Wah. Natalo ang mga manok natin laban sa UST.
94-75.

Pero keri lang. 1-1 naman eh. May 12 games pang nag-aantay para ipanalo. AT mas maganda ang routines natin kanina sa half time. HAHA.

UP FIGHT!
Go UP MBT!

Syempre, dahil masisingko ako sa Cheerleading kung di umattend, nandun ako sa araneta kanina. Actually, sa sobrang excitement ko, kaming dalawa ni Martin + Ilang Maksci Peeps [na 08] ang nanguna sa pila ng Gen Ad [poor lang kami, at nandun ang pep squad for easy stamping]. And, obviously, we got the best seats in Gen Ad. [Basta malayo ka sa drums at nakakaupo ka pag commercial]. Mautak din ang UP at inilagay ang UP section na nakatapat sa "audience" kaya hindi mga likod ng mga performers ang nakikita namin.

Tapos, ang isa pang swerte namin eh kami ang unang pinirmahan ng Pep Squad Girl sa lugar namin. Kaya naman di na kami pumila at sumiksik sa drummers para magpa stamp.

Nakakatuwa sa Gen Ad kasi kayo ang magstastart ng sigawan. Nung hindi pa nagsisimula ang palabas.. kabi kabilaan ang pasiklaban ng drums. Sumali rin kami pero wala na talagang tatalo sa energy ng UE, parang every minute silang nagdadrums. Napansin ko lang na Missing in Action ang drummers ng Ateneo. Nagreready na siguro bukas kasi magsisimula na naman ang laban ng Ateneo at La Salle.

At isa pa pala, UP ang may pinakamaraming tao sa Gen Ad at UpperBox. Wala lang. Andaming nagkalat sa Gateway pagkatapos ng Opening Ceremonies.